కావలిసిన వస్తువులు
వంకాయలు : 1/4 కిలో
టమేటా : 4
చింతపండు : 25 గ్రాములు
నూనె : 25 గ్రాములు
పచ్చిమిర్చి : 10
ఉల్లిపాయలు : 4
ఎండుమిర్చి : 2 కాయలు
పోపుగింజలు : సరిపడా
కరివేపాకు : రెండు రెబ్బలు
పసుపు : సరిపడా
కారం : సరిపడా
ఉప్పు : సరిపడా
తయారుచేయు విధానం
* చింతపండు నీళ్ళలో నానపెట్టాలి.
* వంకాయలను నిలువుగా కోసుకోని నీళ్ళలో వేసి ఉంచాలి.
* ఉల్లిపాయ, పచ్చిమిర్చి సన్నగా తరుముకోవాలి.
* టమేటాలు వేరే ప్లేట్లో కోసుకొని పెట్టుకోవాలి.
* ఒక బాణలిలో నూనె పోసి కాగిన తరువాత పోపు గింజలు వేసి వేయించి కరివేపాకు వేసి వేగిన తరువాత ఉల్లిపాయ, పచ్చిమిర్చి ముక్కలు వెయ్యాలి.
* తరువాత వంకాయ ముక్కలను వేసి ఉప్పు, పసుపు, కారం చల్లి మూత పెట్టి పది నిమిషాల సేపు బాగా మగ్గనివ్వాలి.
* తరువాత నానపెట్టిన చింతపండును బాగా పల్చగా పులుసుగా పిసికి అది వంకాయ ముక్కలలో పోసి కొంచెం సేపు ఉడికించాలి.
* దానిలో టమేటా ముక్కలు వేసి ఐదు నిమిశాలుపాటు మగ్గిన తరువాత దించుకోవాలి.
No comments:
Post a Comment